Bontang, 2028

Dulur-dulurku kabeh,

Pernah gak sampean mikir-mikir koyo opo kahanane awak dhewe ing tembe ngarep? Kelawan tulisanku iki sampean kabeh aku ajak mikir bareng. Judul e Bontang 2028. Sampean iso ganti judule, misale kanggo Cak Pri diganti Bontang 2025, Cak Pras 2027, lan seteruse. Opo maksud e? Tahun 2028 iku insyaalaaoh tahun aku pensiun teko YPK. Aku mlebu YPK tahun 1995 dadi yen Gusti Alloh ngresakne aku dadi guru YPK suwene 33 tahun ing tahun 2028. Meski wis pensiun aku pingin tetep ngajar ndik YPK selagi YPK isik ono. Cita-citaku mati sahid koyo dulur tuwoku, Pak Munardi lan Prof Nuril Huda (Rektor IKIP Malang), mbalik nang ngarsane Gusti Alloh waktu ngoreksi tugase murid utowo waktu ngajar ndik kelas. Soale arepe nang Jalur Gaza juga adoh. Balik nang tahun 2028. Ing tahun iku aku wis ora iso main bal-balan selincah saiki, aku wis ora iso salto jengkulitan maneh. Gantian anakku sing main bal-balan lan salto-salto an. Mungkin isone mung jogging lan mlaku-mlaku isuk. Mungkin aku wis gak ketemu Cak Pri soale Cak Pri wis pensiun 3 tahun sak durunge lan wis mulih nang Ceper, Klaten. Mungkin! Cak Pras wis pensiun tahun sak durunge lan wis mulih nang Kulonprogo. Mungkin! Aku mungkin wis gak iso ketemu karo sebagian sampean kabeh jalaran sampean dulur ku tuwo wis pensiun dhisik. Maksude dipensiun YPK utowo dipensiun Gusti Alloh. Gelem ora gelem awak e dhewe bakal dipensiun karo Gusti Alloh teko alam donya.

Aku sering crito-crito karo wong-wong sing arepe utowo wis pensiun. Wong sing arepe pensiun utowo wis pensiun ngalami perkoro-perkoro sing ora tau dipikirne sak durunge. Ono sing diarani post power syndrome. Opo o ono wong ngalami syndrome macem-macem? Menurutku wong mau waktu isik aktif ora pernah mikirne tembe ngarep lek bakal pensiun. Koyo-koyo o arepe urip terus, kerjo terus, dadi wong hebat terus, diwedeni terus, lln. Sing dirasakne wong sing pensiun dudu iku thok. Ono perasaan getun. Getun opo? Getun sebab waktu isik aktif kerjo ora ngamal sing maskimal.

Wis sak iki balik nang critoku dhewe. Coba bayangno saiki aku (Achmad) kerjoku sak karepku dhewe mlebu sak karepku dhewe, karo konco gak akrap, seneng nglarani konco (maksude dudu sering tackling waktu bal-balan), gak pernah kumpul karo konco, medhit karo konco, diundang yasinan lan tahlilan konco gak pernah teko, kerja bakti lan acara 17 Agustusan RT gak pernah melu. Opo maneh gak peduli karo anak murid, gak peduli karo dulur, gak peduli karo tonggo teparo. Aku iso bayangno ndik akhir pengabdianku dadi guru, aku bakal nelongso sebab ora ono wong utowo konco-konco sing peduli karo aku sebab waktu isik aktif aku ora pernah peduli karo liyan.

Dulur-dulur, konco-koncoku kabeh.
Aku, Cak Maskut, Kang Sarwoko lan dulur-dulur liyani sing lahir e tahun 1972 sak iki wis umur 37, sepuluh tahun kepungkur 27, rong puluh tahun kepungkur 17, telung puluh tahun kepungkur 7 tahun. Cepet banget urip iki. Sepuluh tahun maneh 47, rong puluh tahun maneh 57, telung puluh tahun maneh 67, petang puluh tahun maneh 77. Pirang tahun maneh urip ing alam donya awak e dhewe ora weruh. Ayo podho takon awak e dhewe-dhewe. Ate nglakoni opo maneh awak e dhewe mengko ing umur 38,39,40,41,42,43,44,45,46,47......67...77.

Dulur-dulur, konco-koncoku.
Untung banget sampean karo aku ditakdir dadi guru karo Gusti Alloh. Awake dhewe diparingi dalan penak kanggo nglakoni kabecikan. Mumpung saiki isik diparingi gesang (urip) karo Gusti Alloh, ayo nyambut gawe dadi guru sak giat-giate sak ikhlas-ikhlase mumpung isik 2009 durung ketekan tahun 2028.

Sepurane sing gedhe.


I love you all

YO WIS LAKONE

Guru iku digugu yo ditiru, iku sak mestine, guru iku panutan, guru iku kudu nduwe kekarepan, iso ngemong murite karo mesti nduwe sangune. (ing ngarso sun tulodho, ing madyo mangun karso, tut wuri handayani, jer basuki mowo beyo)

La yo wis lakone sak iki, menowo sebagian sing main nang panggung YPK pindah gelanggang, mergo kabeh iku wis di karepno karo SING KUOSO sing dadi dalange.

Awakke dewe iku sak dermo nglakoni. Mugo-mugo wae akeh gantine, terus akeh penontone, akeh hasile lan manfaate.
Sepurane dulor, nedo nrimo.
Hapunten sadayana.
Saporana kabbih.
Suwun, hatur nuhun

Cakdin

Ojo Kuatir, Rek!

Konco-koncoku kabeh,

Jare wong-wong ndik TV-TV, embong-embong, warung-warung, omah-omah saiki jamane jaman susah. Tapi iku khan jare. Jare wong-wong maneh! Sing jelas dudu jareku. Jareku saiki jaman sing paling penak sak joke uripku ndik alam donya. Gak penak yo opo, wong urip 23 tahun sak durunge kerjo dadi guru ndik YPK gak tau mangan sate saiki bosan mangan sate, mangan super mie ae baru semester 5 waktu kuliah ndik IKIP saiki wis bosan mangan mie. Opo yo percoyo sampean lek kuliahku 5 tahun mulai bayar pendaftaran UMPTN Rp 15.000,- sampe wisuda mbayar Rp 150.000,- bondho utangan, malah saiki iso nguliahno adik ndik Brawijaya. Gak percoyo khan?

Saiki mungkin akeh guru-guru koncone awake dhewe sing mulai kuatir yo opo nasibe ndik YPK. Ono sing ngomong jare YPK kate di kekno pemerintah, dikurangi jatahe, malah-malah ono sing ngomong jare YPK kate ditutup. Tapi iku cuma kulak jare dodol jare. Durung mesti nyoto benere. Kuatir kah sampean? Yo wajar. Cuma aku blas gak kuatir. Lek ono wong sing kuatir , kiro-kiro jalaran alasan-alasan ndik ngisor iki:

Kuatir ora iso mangan enak, ora iso nguliahno anak e, ora iso duwe omah apik.

Konco-koncoku kabeh ojo sampek sampean karo aku duwe pikiran nggladrah koyo ngene iki. Wong sing kuatir/ wedi ora iso mangan iku podho karo wong sing gak yakin lek Gusti Alloh iku Dzat Sing Moho Loman, Welas Asih, tur Gak Mentoloan Marang Makhluk e. Nganggep remeh nang Gusti Alloh. Gak trimo Gusti Alloh, Rek! Gak mungkin (mokhal) lek Gusti Alloh ngejarno sampean sampek gak mangan. Wis tah, Gusti Alloh mesti maringi rejeki sing akeh tur gak di songko-songko. Monyet-monyet ndik jln Burangrang ae ora tau kekurangan mangan meski gak tau sekolah, opo maneh awak e dhewe sing SPd lan MPd.

Bahaya sing nomer 2, ojo sampek sampean karo aku nganggep lek YPK iku sing ngurip i awak e dhewe. Lek sampean nganggep YPK, PKT, Pemkot sing nguripi utawa gawe enake urip e awak e dhewe. BAHAYA POOOOL. Yo iku sing diarani SYIRIK. Syirik iku dudu diba'an, tahlilan, wiridan, sholawatan, pujian, lan liyo-liyane. Lek sampean nganggep duwit sing gawe penak urip sampean, obat sing marasno loro sampean, komputer sing gawe nyugihno urip sampean, opo maneh sampek nyembah YPK, nyembah PKT, nyembah Pemkot, yo iku sing diarani syirik.

Konco-koncoku kabeh,

Ngadepi kelahirane YPK sing kaping 26, awak e dhewe mesti yakin lek YPK bakal tambah apik ing tembe ngarep. Sing mesti sampean karo aku tetep kudu nglakoni: ngajar sing temenan, sing apik,ndadekno murid-murid sing bodho dadi pinter, sing bekasaan dadi sopan, sing nyontek an dadi jujur. Cukup! Gak usah mikirno pirang milyar dana e YPK teko PKT. La opo awak e dhewe mikir no barang sing mesti dadi penggaweane wong liyo. Gawe soal Try Out ae sing apik, gawe perangkat multi media ae sing canggih, gawe soal ulangan blok terus dites no nang murid. Cukup!

Sampean aku dongakno dadi guru sing ikhlas, sing syukur ndik akhir pengabdiane dadi guru, lan mesem utowo ngguyu waktu mbalik nang kersane Sing Gawe Urip. Mugo-mugo!

Achmad/Abu Muhammad

Buruan... MULTIMEDIA sebentar lagi lho...

Batas akhir pengumpulan karya Jumat, 20 Februari 2009 tet'! Gak boleh lewat!

Buruan selesaiin karya sampeyan, dan segera kirim ke Pak Supra SD-1 (081347450778) atau Pak Malik SMA (081347072620), jangan lupa lampirkan formulir pendaftaran (ambil di panitia).

Sampaikan info ini ke seluruh rekan di unit masing-masing, trm's.

Panitia,

Supra

selamat lagi.....

Diucapkan selamat kepada guru ypk yang lolos PNS Bontang pengalihan 2008

1. Sugianto (Ex Manager ETC)
2. Miftahul SD 1
3. Apridita Ryan SMP
4. Maryamah SMA
5. Dina Masak SD
6. Nining SD

semoga sukses dan barokah di tempat yang baru.... AMIN.......



Hendry SMA